Gordon Brown

Dr James Gordon Brown (* 20. Februar 1951 z Glasgow) isch e britische Politiker und isch vom 27. Juni 2007 bis zum 11. Mai 2010 Premierminister vom Vereinigte Königriich vo Grossbritannie und Nordirland gsi. Drmit isch er ex officio dr Erst Lord vom Schatzamt (Lord High Treasurer) und Mitgliid vom Gheime Staatsroot (Privy Council) gsi.

Dr Brown isch bis zue siim Rucktritt am 10. Mai 2010 au dr Vorsitzendi vo der Labour Party gsi.

Vo 1983 a isch er als dr Abgeordneti für e Wahlbezirk Dunfermline East im Unterhuus vom britische Barlamänt gsässe, sit ere Reorganisation vo de schottische Wahlbezirk im Johr 2005 duet er dr Wahlbezirk Kirkcaldy and Cowdenbeath in dr Grafschaft Fife verdrätte. Dr Brown isch vom Mai 1997 bis Juni 2007 Schatzkanzler in dr Regierig vom Tony Blair gsi und isch so der Schatzkanzler gsi, wo sit em Nicholas Vansittart (1812–1823) am längste amtiert het.